Wm. Shakespeare 1564 - 1616 English playwright and poet

• A.S.P.I.R.E. ‘n stelsel vir studie

---

• Indeks studiestelsel

---

• Samewerkende Konflikresolusie

---

• Leer by Groepwerk

---

• Organisering van Groepsprojekte

---

• Netiket: elektroniese kommunikasie

---

• Konsentrasie tydens studie

---

• Memorisering

---

• Afneem van notas

---

• Probleemoplossingsvardighede

---

• Soek

---

Bestudeer gidse reeks

Indeks studiestelsel

Die volgende studiemetode kan jou 'n akkurate persepsie gee van hoe goed jy die materiaal onder die knie het en verder forseer dit jou om oor die werk te dink, eerder as net daaroor te kyk.

• Hersien jou notas en leeswerk gereeld, sodat die materiaal "vars" bly.
• Soos wat jy deur die teks lees, of jou notas hersien, dink self vrae uit oor die materiaal. Verbeel jou dat jy die kursus doseer. Watter vrae sou jy in die eksamen vra?
• Skryf enige terme neer wat jy moet ken.
• Skryf elke term of vraag op die rugkant van 'n indekskaartjie.
  1. Op die voorkant van die indekskaartjie skryf jy die antwoord, of 'n verduideliking van die vraag of term neer.
  2. Gebruik jou notas en die teks as verwysing, maar formuleer die antwoord of verduideliking sover as moontlik in jou eie woorde.
  3. Skommel die indekskaartjies (sodat jy nie die antwoorde kan bepaal op grond van die plek van die kaartjie in die pak nie)
  4. Kyk na die boonste kaartjie in die pak: probeer om die vraag te beantwoord of die term te verduidelik. As jy dit kan antwoord, wonderlik! Plaas dit aan die onderkant van die pak. As jy dit nie kan beantwoord nie, kyk na die antwoord en plaas dit terug in die middel van pak sodat jy later daarna kan terugkeer.
  5. Vorder so deur die hele pakkie indekskaarte totdat jy alles ken.

'n Paar wenke:

• Dra jou kaarte saam met jou waar jy ookal gaan. Gebruik elke paar minute wat opduik. Toets jouself waar jy in 'n tou moet wag, op die bus ry, ens.
• As jy dink dat jy die antwoord ken, maar dit nie in jou eie woorde kan formuleer nie, ken jy die antwoord waarskynlik nie goed genoeg nie. Die enigste manier waarop jy sal weet dat jy die inligting ken, is deur dit in jou eie woorde te formuleer. Dit is ook die beste manier om enige toetsangs te verminder of te verhoed.
• Toets jouself iewers waar niemand jou kan sien (en dink jy is stapelgek) nie, en sê die antwoorde hardop. Dit is die beste manier om seker te wees dat jy die antwoord kan verduidelik.
• Studeer saam met 'n klasmaat. Julle kan idees uitruil en mekaar help om konsepte te verstaan. Julle kan ook die antwoorde vir mekaar opsê, om seker te maak dat julle die antwoorde goed genoeg ken.